معلومات العضو
معلومات إضافية عدد المساهمات : 82
نقاط : 10049
تاريخ التسجيل : 07/12/2010
معلومات الاتصال | موضوع: اجمل ما قيل فى الشعر الحلمنتيشى الخميس مارس 22, 2012 2:56 pm | |
| كانت واقفه منشحطه جميله وفيها بس شطه وتستاهل تكون خلطه وأخوكم شافها واتمط وبلع ريقو التقول شطه هي نان شافعة؟! جسيمها يفوح روائح الند لابسة الجنز تتسند كتير الغيري ماتو كمد ناس مولانا والغيرو كانت دائشة ظاهرة الدوشة في العينين وتتلفت في الناس شمال ويمين ديل داخلين وديل مارقين وتاهت توهة الدايشين وماعرفت تقبل وين ومشت علي وأخوك تلج يمد في ايدو مابتنمد وتتشجع وتسألني : عن اذنك هوي ياأنت سامعني؟ نعم ياحلوة كلي أضنين ! عن اذنك وريني أسجل وين؟ تسجلي وين؟ تسجلي جوه جوه العين ماقلبي لكونده للدايشين سكن مجان بدون خمسين حمامات وأوضة نوم وكمون رون مالاقي ليه بس سكان لأني مسيخ ولأني قبيح وزول فلسان قدر مالصقت في واحدة تكتفني وتنهرني التقول ماأنسان وتعمل لي خصام ناس ليبيا للسودان ماتحبونا ماتخلطونا ماأخوان؟ ماناس فاقدين حنان وحنان وأنتي الليلة يادائشة أمانة الليلة ماعترتي وقعتك سوده ياأنتي ماكعارفاني أنا العليق؟ وزي الضب بلصق زيط وياني الفيكي كنكشت وبكماشة مابنفك وكيف أنفك؟ ثلاثة سنين قاعد براي التقول ماأنسان ثلاثة سنين أقابض جاي وألصق جاي وأطلع برضو أنا الخسران؟ يمين بالله أتملق وأهمل كيفي وأتفرغ و كان ربت مابفرق عشان أرجاك وأمشي معاك للكشر وأشيل كراسك الأخضر وأهبب ليك من الحر وأحفظ ليكي كان بقدر وبره هناك بتلقيني علي البوفيه وهاك ياببسي وهات ياتي وكانت خلطة ليومين عرفت ليك أخوك فلسان وواحد شين فكت منو راح منشر يوم لاقيتها ليك ماشي معاها ود حنكوشه شعرو طويل وجيبو تقيل وذاتو جميل شبكتها ليك : خلاص يادي؟ متين يادايشة فتحتي ؟ بعد ماخلاص كملتي جيبي وقطعتي أيدي زي اخواتك الفايتات أبيتيني؟!! |
|