مصر ياللي بقيتي لعبه

مصر ياللي بقيتي لعبـــــه

يلعبوا بيها الصغــــــــــار

ياللي كـــان شمسك عفيَّـه

حوِّلِــت ليلِك نهـــــــــــار

ــــــــــــــــــ

كـُنتي طول عمرك صبيَّـه

لابسه طرحه وجلاَّبيَّـــــه

زى ارضِك سُندسيَّــــــــه

لونها بيشِـــع بْخـَضـَــــار

ـــــــــــــــ

والرسوم من عهد مينـــــا

تحكي أمجادنا القديمـَــــه

واحنا شايفينها بْعِنينـــــــا

قد إيه عامله انبـِهـَــــــــار

ــــــــــــــــ

وقد إيه بتحِث فينــــــــــــا

نِبْنـِي دولَتنا بْإدينــــــــــــا

بين دوّل ركبـِت علينـــــــا

بالعمَل مش بالهـِــــــــــزار

ـــــــــــــــــــ

ليه يا مصر بقيتي راكعـــه

بالعيون فيها انكِســـــــــار

منها نازله أغلى دمعَــــــه

م اللي صابـِك من دَمَــــار

ـــــــــــــــــــ

والدمــــــــار بإدين ولادِك

إللي خـَلـُّـوا الظلم سَــــادِك

واللي نسيوا سنين جهـــادِك

ولـَّعُــــو في الكـُل نـــــــــار

ــــــــــــــــــ

يا ترَىَ علشــــــان ولادِك

خلـُّـوا حُزنــِــك هُوَ زادِك

واللي خلـُّـوا اليأس زادِك

يأس , عالحـــــال اللي صَــار

ــــــــــــــــــــ

خلـُّـوا فوق كام نِسْر طايِّـــــر

منتظر تظهر بَشـــــــــايِّــــر

آخرت الضـَرْب اللي دايِّــر

م اللي رافضيــــن الحوَار

ــــــــــــــــــــ

ليه يا مصر بقيتي نايمــــه

نظـْرتِك بالحُزْن هايْمَـــــــه

وبْمَشـَــاعِر يأس عايمـــــه

في مُحيـــط ملهوش قــــرار

ـــــــــــــــــــ

داانتي ياما كنتي جامْـــــده

مهما جاروا عليكي صامـده

بايسه كفـّيِنـــك وحامْـــــــده

في الهزيمه ولِنتِصَــــــــــار

ــــــــــــــــــــ

جيشِك المُخـْلِص حَمَــــــاكي

واللي كان دايماً معـــــــاكي

صان أراضيكـي وْسَماكــِي

واعتبر تقصيرُه عَــــــــــار

ـــــــــــــــــــ

ليه تصاحبي ناس لئيمــــــه

شاطره تِوْعِظ بالشتيمــــــــه

واللي فتوتها الوخيمــــــــــه

( قول نعم يا تخـُش نـــــــار )

ــــــــــــــــــــ

واللا أعضاء م الجماعــــــه

واللي فاجئتنا بْإشاعــــــــــه

ع الفنون بتقول خلاعـــــــه

أو أشد من القـُمـَـــــــــــار

ـــــــــــــــــــــ

مصر إيــه بس اللي نابـِـــك

ليه يضيع زهرة شبابـِـــــــك

ع اللي خان حُبـِّــك وسابـِــك

واللي راح يرقـُـــص في زار

ـــــــــــــــــــ

كـُنتي يا مصر العظيمــــــــــه

لمـَّا كان عندِك عزيمــــــــــــه

ليكي سِعْـــر وليكـــي قيمـــــــه

وْكـُنتي للعالــــــــــم مَـــــــــزار

ـــــــــــــــــــــ

يقصُده السـِـواح بفــــــــرحــه

وبْقلـُـــوب صافيه وشِرْحَـــــــه

وبعيون ف المجد سارحــــــــه

في اللي مرســـــــوم ع الأثار

ــــــــــــــــــــ

يا شباب مصر الحقيقـــــــــي

إنت فين نشـِّفـْت ريقــــــــــي

م الصراخ لضياع حقوقــــي

فين شباب مصر اللي ثــــار

ـــــــــــــــــــ

وحدها فـــــــــــــي كل وادي

دانتَ مفروض السَعـــَــــــادِي

تِبْتِــــــدي تِبني العَمـَـــــــــار

ــــــــــــــــــــ

خللي عصفـــــــــــورك يزقزق

والفؤوس في الأرض تِعْــزَق

والتروس في الآلـه تزعَـــــق

مصر محتاجه ازدِهــــــــــار